MESAJ EFO PA NOU A DIASPORA AYISYEN AN POU 2023 A
Mesaj Konsèy administrasyon EFO PA NOU nan jou 31 Desanm, 2022 a a Dyaspora Ayisyen an pou nou fè yon aksyon, yon lòt efò ki dwe depase nou pou sove Ayiti
Dyaspora Dyaspora o (bis)
Se pa konsa peyi nou dwe ye
Dyaspora Ayisyen EFO PA NOU se yon òganizasyon ki reji sou kòd 501 (c) (3), yon bòd charitab kreye 15 Mas 1999 nan Stamford, Connecticut. Depi nan nesan òganizasyon saa, chak lè nou rankontre ak lòt òganizasyon nou fè yo yon sèl pwopozisyon : “An nou tounen yon sèl Ayisyen pou nou kreye yon mouvman pou kole tèt nou ansanm pou nou fè pwogrè.” Fòk noutout ansanm fè youn si nou vle gen yon lòt Ayiti.
Ayisyen ki ap viv andeyò peyi Ayiti a an nou monte eritaj nou pou pitit nou ke nou fè deyò a ka soude la’a e avèk lakay.
Dyaspora Dyaspora o (bis)
Se pa konsa peyi nou dwe ye
Peyi nou pa ta dwe konsa, nou te konprann lè yon Ayisyen vwayaje oubyen pati al viv deyò se te pou li al wè sa lòt yo fè ou chache yon lavi miyò pou li ak fanmi li. Epoutan se leta peyi nou menm ki te prepare nou pou al viv deyò. Men rive deyò se lè saa nou vi’n dekouvri ke fason nou tap viv la pat yon vi moun te dwe ap viv. Nou vi’n konprann tou nou dwe pran sou do nou responsablite pou fanmi nou ak zanmi nou ki rete nan peyi a. Dyaspora, vizaj peyi nou ap detèryore : pa gen sèvis piblik tankou : lekòl, sant sante, wout, ekleraj, elatriye ; prodiksyon peyi a ap desann nan yon twou, Ayiti tounen yon peyi konsomatè ki gen kòb sèlman pou achte dechè. Nou vi’n konprann ke nou dwe ede ak sa nou travay fè pou viv la. Chak semèn nou fè fas ak yon pwoblèm lakay ki fè nou egzijans pou voye lajan e nou reyalize sa nou bay la pa janm ase. Kilè pou nou menm ka pran yon souf e rive jwi sa nou te fè ?
Dyaspora ann gade sa kap pase nou jodya, Ayiti yon pèp ki se papa libète ap viv nan yon chòk, li nan yon batay men li pa konnen ke li gen enemi ak trèt epi li ap akwoupi nan doulè li, gang ame kap touye yo san yo pa gen dwa pou yo revandike. Yon pèp ki ap soufri nan yon silans men ki pa leve men li pou bay legen devan enemi enkoni, kriminèl la ki touye liberatè li a ak tout otorite ki vle pote chanjman, depi lè saa yo gaye nan savann nan pou kont yo san vizyon, san yon bèje. Nou se yon nasyon ki degrennen men ki reyalize anpil bon bagay ; anpil fanmi itilize fòmil pa yo pou rive kote yo rive nan pwogrè fanmi yo men yo pajanm rive sansibilize lòt yo pou travay ansanm pou rive fè pwogrè. Nou bezwen yon mekanis ki pou kole bon esperyans yo ansanm ak mete soukote movè yo. Yon nasyon ki gen ladann savan, gerye ak atizan dwe konnen byen ak mal, verite ak manti ki fè mond lan sa li toujou ye a. Dyaspora, misyon nou jodia se aprann timoun nou yo chemen pwogrè e kite yo avanse nan devlopman, paske nou bezwen yon group devlopè òganize nan yon vizyon reyèl kapab pote chanjman reyèl la e mennen pèp Ayisyen an nan destine li.
EFO PA NOU depi 1999 nan tout relasyon nou yo ak lòt òganizasyon nou toujou preche pou diaspora a òganize e pou yon group pòtè vizyon reyèl la al pote chanjman Ayiti. Fondatè EFO PA NOU a Verna Brice, Dhl ansanm ak Konsèy Administrasyon li a, lè li reyalize jan peyi saa ap degrengole nan twou san fon an, KOWONA viris ap fè ravaj nan mond lan li di fòk gen yon bagay ki fèt vit pou sove peyi Ayiti a. Nan mwa Mas 2021 li pibliye yon liv ke li ekri ki rele “Ekonomi Sosyal e Solidè” kote li mete tout vizyon ki te mennen yo kreye fondasyon saa ak tout aksyon yo poze e pwopoze yon sistèm pou ede peyi saa rantre nan fè pwogrè. Liv sa’a poko sòti nan piblik la paske Ayiti te ap konnen yon gwo dram jou 7 Jiyè 2021 a; yon gwoup mèsenè lokal avèk etranje sa nou rele enemi yo, trèt restavèk enemi yo al rache, tòtire e touye prezidan peyi nou Ekselans Jovenel Moise 58e prezidan peyi a lakay li. E depi lè sa’a se desan’n peyi a ap desan’n ak yon gwo vitès nan yon lanfè. Komite a nan yon rankont mandate nan liy gwoup whatsapp jou Samdi 10 Desanm 2022 a yo deside pou pale ak diaspora Ayisyen an pou nou travay ansanm e chache yon ti ma nan 3.8 milya dola pa ane nou voye nan peyi a pou Ayiti nou an jwenn yon souf. Pa gen moun kap fè li pou nou, se nou ki pou fè li.
Dyaspora Dyaspora o (bis)
Se pa konsa peyi nou dwe ye
Dyaspora, nou dwe mete sistèm Ekonomi Sosyal e Solidè a sou pye nan mitan nou kòm yon esperyans pilòt. “Chanjman dwe kòmanse avèk nou.” Ayiti dwe tounen yon kote moun pa gen anyen pou plenyen, yon kote ki fè bon pou moun viv, pou glorifye e chante alelouya pou Granmèt linivè a ak di ayibobo pou lespri zansèt yo paske li se yon peyi e yon pèp ki beni. Dyaspora Ayisyen wap di: “kilè na tounen lakay pou nou ale konstwi peyi nou.” Men tou fòk ou di tèt ou tou: vi pa nou dwe chanje pou nou konnen kòman pou chanje lavi lòt. Nou voye 3.8 milya dola chak ane a fon pèdi pou jere lamizè moun nou gen responsablite pou reponn nan bezwen yo. Eske ou te konnen ke pi gwo pousantaj nan kòb sa’a sòti nan men moun ki pi fèb yo : sa ki ap viv nan ranj salè minimòm ; ki pa menm gen papye; pa menm gen savings; ki ta dwe jwen sipò pou yo viv nan dyaspora a. Genyen nan yo ki depòte retounen Ayiti. Si yon pousan (1%) nan kòb sa’a ta rive nan men yon group moun konsekan, konsyan e respektab nou ta fè mèvèy nan kominote nou e ti rès la tap tounen Ayiti. EFO PA NOU di wi nou kapab, fwa sa’a, sèlman fè nou konfyans. Nou gen yon bòd ki gen moun onèt isit ak dèyè lakay (Ayiti), nou gen lisans leta isit ak lakay nou (Ayiti) « Chak Ayisyen nan dyaspora dwe kontribye $50 dola kòm PA SOSYAL li pou EFO PA NOU monte yon fon ki gen pou soude nou ansanm, òganize dyaspora pou li tounen YON FÒS ekonomike e sosyal pou fè pwogrè kote nou ye a e ateri ak chanjman an lakay. Si ou vle konnen plis achte liv sa’a EKONOMI SOSYAL E SOLIDE nan webpaj otè a www.vernabrice.com pou nou konnen sa nou vle ou fè a e pou kisa nou dwe kontribye yon pa sosyal? Lè jou a leve pou nou, chak Ayisyen an Ayiti ap gen pou peye PA SOSYAL pa yo tou e lè sa’a Dyaspora ap ka rantre pou ede Ayiti devlope.
Dyaspora Dyaspora o (bis)
Se pou’n ale transfome peyi nou.
Fè mesaj sa’a mache, ou menm ki konnen li pataje li ak tout ayisyen ou konnen! Aprè ou fi'n peye pa sosyal ou. Ou prale nan wèbpaj òganizasyon an www.efopanou.org la e ranpli yon fòm voye li banou. Pou moun ki gen kesyon ou ka voye yon Whatsapp mesaj sou nimewo sa’a +203-808-1550 oubyen yon email nan adrès sa’a efopanou@hotmail.com nap reponn ou nan 24 a 48 trè. Men sa nou pral fè:
- Nap rantre ou nan yon bank data e nap respekte vi prive ou;
- Na pral rankontre ak òganizasyon nan zòn kote ou rete a pou kole ou avèk yo epi wap swiv lòt pa ke nou ap gen pou pran yo.
Chak moun nan yon fanmi dyaspora Ayisyen an ki renmen peyi yo, kelkelanswa, generasyon ou, koulè ou, kwayans ou, mezi richès ou, laj ou, eksetera ap peye 50 dola PA SOSYAL la pou nou monte fon an. Youn enterese lòt la pou montre sa nou kapab fè lè nou kole tèt nou ansanm.
Dyaspora lakay bòd EFO PA NOU a di’w « nou pa gen tan pou nou pèdi, 50 dola pou yon moun paka fè li pòv ni fè li rich si li rete nan men li. Men, si li mete li nan yon baskèt sekirize nan yon tan ki pa two lwen la va pote sekirite nan lavi nou. » Poutètsa, nou vle ou voye kòb ou a ant Janvye ak Fevriye 2023 e nan fen premye trimès 2023 nou ap prè pou nou di’w sa ki pral fèt nan lòt etap la.
Men kòman pou wou voye kòb ou a nan fon an :
Zele efopanou@hotmail.com
CashApp $Efopanou
DONATE https://efopanou.org/donate
BOA Acct # 385021727786 for ACH Routing 011900254
ABA/SWIFT CODE - BOFAUS3N (US)
BOFAUS6S (FOREIGN CURRENCY)
AmazonSmile donation doesn't cost you anything! Did you know that when you shop on Amazon.com through AmazonSm
Bòd EFO PA NOU an swete nou yon bòn e erez Ane 2023
Mèsi!
Biwo Egzekitif Konsèy Administrasyon an:
Verna Brice, Dhl Fondate
Marie S. Brice, VP/CCO
Sandra Rejouis Bernard, Sekrete Egzekitif
Herby Bernard, Trezorye
Jean A. Saint Fleur, VP/COO
