JOVENEL MOISE

Ou mouri men lanmò 

Sa a koke nan gòj NOU 

Kiyès ki NOU an? 

Mwen menm ki se Ayisyen eki ap viv deyò peyi a, ak ou menm ki se: 

Metwopòl ki pa vle koloni a avanse ; 

Mèt esklav yo ki pa vle nèg bosal yo viv tankou moun ;

Kòmandè nèg ki ap simen raso sou do esklav yo, dyabolize yo kòm nèg  bosal; 

Se menm nou menm sa yo ki te tiye Anperè a, kenbe esklav yo nan mantal yo ak nan vant yo pou yo pa janm konn gou lavi Granmèt kreyatè syèl la ak tè a te kite pou nou; 

Ou menm entèlektyèl, jij ak politisyen rayisyen 

Menmjan Moyiz te leve nan palè Fararon pou li ka tounen moun ki pou kondwi pèp Izrayèl la ki te nan kaptivite nan Ejip. 

Jovenel Moise aksepte rantre nan mitan NOU bay tèt li an sakrifis pou sa ki pou nèg papa yo rete an Afrik la (tirès la se pou pèp la), oubliye patri a, pitit soyèt yo. Poutèt sa, nou dyabolize li, nou konplote, nou profetize ke li dwe mouri pou lèt ak myèl koule pou Ayisyen. 

Ou menm ki di fòk li jwen JISTIS fè jistis la prevèl; 

Ou menm ki di fòk li jwen JISTIS e si ou pat moun ki livre l la, si ou paka bali jistis mare mèsenè yo, mete yo nan depo ki byen sekirize pou lè jistisye ki vle sakrifye tèt li pou tande fanm sa a kap kriye pou jistis la pou Jovenel ak tout sa yo ki mouri mal yo depi aprè lanmò Anperè a Jean-Jacques Dessalines jwen JISTIS. 

Rèy enpinite a dwe fini e se dènye moun ki pou mouri pou Ayisyen viv tankou moun. 

Verna Brice, Dhl 

Jiye 13, 2021

AYISYEN PA GADE DÈYÈ NON! JISTIS TOU DWAT 

AYISYEN gade Prezidan Matelly epi di tèt nou; 

Wi nou pat konprann Prezidan Jovenel Moise e nou kite fòs fè nwa touye’l. 

AYISYEN frape lestomak ou menmjan ak moun ki gen konsyans epi di; 

PADON nou pap kite sa rive ankò 

PADON zansèt nou yo, nou pral travay pou memwa nou pa pase anba pye blan yo ankò 

Granmèt Kreyatè linivè a ki te soufle nan Prezidan Jovenel Moise vizyon pou demare kòd ki mare nou an PADON 

PADON paske nou kite yo touye’l. 

Mwen menm Verna Brice Prezidan Jovenel Moise mwen mande’w PADON 

PADON paske mwen pat leve vwa mwen pou m te fè’w konnen ke mwen konprann ou, 

Petèt zòt ki nan antouraj mwen yo ta konnen kiyès ou ye. PADON! 

Prezidan Jovenel mwen tap swiv ou depi nan premye diskou kanpay ou, 

E lè sa a mwen di: “Mwen resi jwen yon presidan ki samble m ki sòti nan menm zantray zansèt nou yo.” 

Prezidan Jovenel nan fen mwa Avril 2018 pou nou tombe sou premye Me a, ou te fè yon aksyon ki te siyifikatif pou mwen; 

Prezidan ou tap sòti nan Sid avèk Karavann ou epi Pòtoprens menm, ke ou tap mache sou li an te a feu et a cendre. Ou kanpe nan komin Kafou epi ou di: Kounye a menm si mwen pa fè anyen ankò, 10 depatman yo gen materyèl nan men yo pou yo kontinye fè travay karavann nan. 

Prezidan lè mwen te tande ou pral manyen pwoblèm enfrastrikti peyi a mwen di men Prezidan m nan manyen maleng peyi a. Mwen nan etid mwen sou kòman pou mwen bay koud men pa m nan devlopman peyi a, mwen te jwen ke tout sa ki gen pou fèt anndan peyi sa a 35% lajan an dwe pase nan enfrastrikti. E ou fè’m reyalize ke pwoblèm peyi a se pa lajan men se: "moun ki ap bloke nou", sifraktirasyon, entran, kominikasyon, jesyon dlo yo ak ekleraj. 

Prezidan ti sa ou gentan fè yo fè’m reyalize ke 30% enfratrikti déjà fèt, sa pa fè vwazen nou yo kontan men, si yon pwojè devlopman ki ta gen sèvis enfratrikti sa yo bò kote li li gentan ekonomize ant 15 ak 20% nan bidjè li. Epi, sa ki fè moun sezi se pa gwo lajan ki fè yo men volonte’w. 

Prezidan ou pat yon politisyen men pa gen okenn nan sa la yo ki ka touche lasèt sandal ou men awogans yo ak èn yo pou enpoze peyi sa a avanse fè yo kanpe sou wout pou bloke w. Prezidan, PADON mwen te dwe pran mikrofòn mwen pou fè moun konn sa. 

AYISYEN pa kite lanmò sa a rete san JISTIS nou sonje sa Prezidan Jovenel Moise te di: “Mwen pa gen dwa janm trayi moun ki sanble ak mwen.” 

Prezidan Jovenel Moise banm rezon ke lajan ki pou konstwi peyi a pou moun viv tankou moun déjà anndan peyi a: se pa lajan moun ap bannou yo; se pa lajan PETRO CARIBE a ki ap touye moun yo; se pa lajan ke nou ka prete yo ni lajan awogan bouwo ou yo genyen; men se lajan ki fèt nan kole tèt, swè kap sòti nan fron nou, nan kole tè a, dlo ak solèy la pou brase ak fòs kouraj nou an. 

Ou menm ki te touye vanyan gason saa, map fè’w konnen ke lajan moun ap ba’w pou fè Krim sa se peye yo peye w pou trayi peyi w, antere’l nan yon trou pifon pou li pa janm sòti, lajan PETRO CARIBE ya touye twòp moun e twòp san koule pou li, kite’l pou sa ki genyen l nan men yo a ka al achte tikal konsyans pou yo ka vi n moun. E, kite m di w yo pap ka fè anyen ki bon avèk li.

PEP AYISYEN, yo touye Prezidan an pou okenn lòt prezidan pa kontiye nan politik li a, paske se wout pou nou tounen gwo nasyon ki ekri nan destine nou an ke Prezidan Jovenel Moise tap trase. Sete vwa ki nan dezè a. 

PEP AYISYEN, nou gen travay nan men nou pou nou fè, pou nou pa pèdi travay ke Prezidan Jovenel Moise gentan fè a. Fòk nou rantre lakay nou: mete fanmi nou nan lòd, disiplin ak nan travay; bliye politik lari a; fè antrèd, pa kouri dèyè lacharite; travay ansanm pou touye vè povrete a ke zòt mete nan vant nou an e gade nan yon sèl direksyon pou fè pwogrè. E moun ki rele tèt yo lidè yo va pran men yo pou sèvi peyi sa a kòm sa dwa. Lè sa a fanmi Prezidan Jovenel Moise va santi ke nou anbrase kòz la.

Mèsi, Ale anpè Prezidan 

Jiyè 22, 2021

This is a blog article we use for you to share your comments. When receiving your comments, we will post all of your comments or anything you have to say on this blog as long as it related to the article and respected the law of defamation.

Please keep in mind we are selling a book "Ekonomi Sosyal E Solide" as a tool for the new Haiti we all want to build.